Oppfordring til å dele bibliotekets berekraftige arbeid
Prosjektet Det må vere lett å utvikle berekraftige bibliotek, som er støtta av Nasjonalbiblioteket, samarbeider med ei gruppe bibliotekstudentar ved OsloMet om å utvikle Bærekraftshylla til Kompetansebanken.
Studentane vil utvikle sida og samler no inn kunnskap frå alle bibliotek i landet om prosjekt og tiltak som er prøvd ut knytt til berekraft. Norske bibliotek sit på svært mykje kunnskap og erfaringar knytt til dette arbeidet, og målet er å samle denne kunnskapen på ein stad!
For å lage ein god ressurs treng dei din hjelp. Har bibliotek ditt gjennomført ein aktivitet som kan knytast opp mot berekraft? Då håper vi de har tid til å svare på spørjeskjema. Dess fleire innspel, dess betre vert ressursen til slutt.
Svara vil danne grunnlag for ei samling av «oppskrifter» som blir tilgjengeleg for alle. Biblioteka vil kunne bruke Bærekrafthylla til å hente idear og praktisk informasjon om korleis ein gjennomfører berekraftige aktivitetar. Oppskriftene vil blant anna vere mogleg å utforske basert på dei forskjellige berekraftsdimensjonane klima og miljø, sosiale forhold og økonomi.
Studentane i prosjektet er Tom Robert Gabrielsen, Morten Olsen, Peter Ruckstein Kval, Hallvard Laake Tryggeset, og Hallvard Kleven (OsloMet)
Prosjektet Det må vere lett å utvikle berekraftige bibliotek, som er støtta av Nasjonalbiblioteket består av prosjektgruppa: Berit Skillingsaas Nygård (Utvalg for berekraft i bibliotek i NBF), Maria Guribye (Telemark fylkesbibliotek), Pernilla Slotte Hjermann (Vestfold fylkesbibliotek), Henriette Stoltz (Skien bibliotek) og Siri Vikse (Haugesund bibliotek)
