Luftig leseglede

Søknad

Rapporter

Mål

Målet med aktiv formidling, «Luftig leseglede», er å fremja leselyst. Gjere bibliotektilbodet kjent, og få fleire lånarar. Auke i aktivitet og arrangement. Jobbe for at det vert eit fast tiltak.

Beskrivelse

Den nasjonale bibliotekstrategien legg vekt på aktiv formidling. At me no er oppfordra til å kome oss ut av biblioteket passer oss i Austrheim midt i blinken. Austrheim folkebibliotek har i fleire år hatt fokus på formidling, og me har teke del på aktuelle utdanningstilbod og kurs for å auke kompetansen med formidling. I 2020 fekk me tilskot frå UDIR til prosjektet «Eitt bibliotek – biblioteket for leseglede, kunnskap og trivsel». Det var eit samarbeidsprosjekt for skulebiblioteka og folkebiblioteket. Folkebiblioteket har no fått ansvar for skulebiblioteka, og me følgjer opp målsettinga om formidling og fokus på bruk av biblioteket i alle fag m.m. I verksemdsplanen for kulturavdelinga 2019-2022, «Kulturen, limet som bind oss saman» , står det i handlingsprogrammet at biblioteket skal formidle litteratur. Det er også med eit punkt om at kommunen skal lage plan for biblioteket som del av ein kulturplan. I årshjulet/arbeidsplanen 2020 for biblioteket, vil me formidle litteratur i sommarbiblioteka og på dagsturhytta. Me har god erfaring med å bruke lesegledarar via fylkesbiblioteket, forfattarturné mm, og me har prøvd høgtlesing på friluftsarrangement. Biblioteket har tett samarbeid med kulturavdelinga, og me er vane med å samarbeide tverrfagleg og med frivillige lag og organisasjonar. No vil me bibliotekarar nå endå fleire med lesing og formidling i friluft. Me vil spreie leseglede gjennom aktiv formidling i friluftsområda, i sommarbiblioteka, i gapahukar, i parken, og på ulike utearrangement. Prosjektet kallar vi «Luftig leseglede». Me legg vekt på at denne form for formidling skal bli eit varig tilbod i Austrheim. «Luftig leseglede» er eit supert tiltak for å fremja leselyst og god folkehelse. Som Lindy Andersen har uttalt i ein artikkel: «Leselyst er rett og slett den aller sterkeste superkraften».