Utfordringar med lån av bokpakkar frå DFB
Utfordringar med lån av bokpakkar frå DFB
For tida får DFB mange førespurnader frå bibliotek som har vanskar med tinging av bokpakkar. Det kan vere problem med å få tinga i systemet, eller med å få låne ut dei innlånte bøkene.
Ei av dei mest populære tenestene frå Det fleirspråklege bibliotek (DFB) er utlån av pakkar med utvalde bøker, film, lydbøker og språkkurs til bibliotek rundt i landet.
Innhaldet blir skreddarsydd til det enkelte bibliotek, og lånt ut over ein lengre periode. Slike bokpakkar kan berre lånast av bibliotek, som igjen låner bøkene ut til sine lånarar. Alt som vert tinga hjå DFB vert sendt frå Depotbiblioteket, der samlinga ligg.
Denne løysinga er avhengig av at biblioteksystemet til DFB og lånande bibliotek snakkar saman. Ein skal kunne tinge bøkene gjennom systemet, og hente inn katalogpostane for å låne ut vidare til eigne lånarar.
For tida får DFB mange førespurnader frå bibliotek som har vanskar med tinging av bokpakkar. Det kan vere problem med å få tinga i systemet, eller med å få låne ut dei innlånte bøkene.
Utfordringane ser ut til særleg å gjelde for dei biblioteka som brukar biblioteksystemet Cicero. DFB kan diverre ikkje hjelpe med førespurnadene, og ber biblioteka ta kontakt med sitt biblioteksystem for få utbetra løysinga, då det er her problemet ligg.