Søk om midlar for å opprette rettleiingstilbod i digital kompetanse
Digitaliseringsdirektoratet (Digdir) lyser ut støtte på til saman 8 millionar kroner til kommunar som vil opprette og utvikle eit lågterskel rettleiingstilbod innan grunnleggande digital kompetanse
Rettleiingstilbodet skal gje innbyggarar, som har eit behov, moglegheit til å tileigne seg dei grunnleggande digitale ferdigheitene som trengst for å kunne ta i bruk digitale verktøy og digitale offentlege tenester frå kommune og stat.
Tilskot kan til dømes brukast til:
- engasjement av rettleiarar som kan gje opplæring i digitale ferdigheiter (dette inkluderer bruk av tilskotsmidlar for å engasjere eigne tilsette for å gi opplæring og rettleiing til innbyggarane)
- kompetanseheving av personell som skal drifte rettleiingstilbodet
- marknadsføring av tilbodet til aktuelle målgrupper
- legge til retta for at innbyggarar som treng det kan delta fysisk og ta i mot opplæring, til dømes universell utforming av rettleiingsstad eller kostnader til dekning av særskilde utgifter for transport av deltakarar som ikkje kan bruke vanlege kollektivtilbod
- innkjøp av nødvendig spesialutstyr som er strengt nødvendig for å gjennomføre opplæring og rettleiing, f.eks. skjerm for undervisning og nokre smarttelefonar og nettbrett til undervisningsformål.
Kommunen/kommunane må stå som ansvarleg søkjar overfor direktoratet, men tiltaket kan utførast i samarbeid med andre kommunar eller med bistand frå frivillige organisasjonar.
Tilskotsordninga skal støtte opp om regjeringas «Handlingsplan for auka inkludering i eit digitalt samfunn «som Digdir har ansvar for å følge opp. Målet med handlingsplanen er å sikre at alle innbyggarar skal få likeverdige tilgang til offentlege tenester, uavhengig av bakgrunn, språkkunnskapar eller alder.
Søknadsfristen er fredag 20. juni 2025 innan kl. 24.00.