Endringar i kulturlova
Regjeringa la fredag fram forslag til endringar i kulturlova.
Proposisjonen inneheld framlegg til endringar i kulturlova på tre punkt. Endringane regjeringa foreslår, er mellom anna å forankre ansvaret styresmaktene har på kulturfeltet i «infrastrukturkravet», lovfeste det såkalla «armlengdsprinsippet», og å innføre ein ny lovregel om kommunal planlegging på kulturfeltet.
Kultur- og likestillingsminister Lubna Jaffery uttaler at endringane skal gjere kulturlova til eit sterkare og meir praktisk verktøy for kulturpolitikken på alle nivå.
I samband med høyringsrunden om endringane i lova kommenterte Nasjonalbiblioteket dei delane av forslaget som berører Lov om folkebibliotek (folkebiblioteklova).