LittForm 2025

Velkommen til konferanse om formidling av litteratur til vaksne!

Måndag 20.10 kl. 10.00-15.30 på Vestlandshuset i Bergen arrangerer Bergen Offentleg Bibliotek og Vestland fylkeskommune v/bibliotekutvikling
LittForm 2025.

Korleis skal vi lukkast med litteraturformidling til vaksne? Konferansen gir deg inspirasjon til korleis du kan gjere samlinga i ditt bibliotek levande, og til korleis vi skaper gode lesefellesskap som publikum ønsker å delta i. 

På kvelden kan du få med deg prisutdeling av Bibliotekets litteraturpris 2025! Kl. 20:00 i Auditoriet på Litteraturhuset i Bergen blir prisen delt ut, med dikt om biblioteket frå Eli Fossdal Vaage, musikk frå Amalie Holt Kleive, og forfattarintervju med Vigdis Hjorth, Aina Basso og Anne Bitsch. Prisutdelinga er gratis og det er ingen krav om påmelding i forkant, men arrangementet startar presist, så det er lurt å komme tidleg. Arrangør er storbybiblioteka.

Meir om program og påmelding finn du her.