Berekraft i bibliotek – om Klimafestivalen Junior og veke 17
Arrangør: Eit samarbeid mellom Vestland fylkeskommune og Bergen Offentlige Bibliotek
Velkommen til ei digital samling som inspirerer til arbeid med berekraft i bibliotek, og peiker fram mot arrangement i veke 17.
Bergen Offentlige Bibliotek har skapt Noregs største klimafestival for barn, i partnarskap med klimafestivalen Varmere Våtere Villere. Festivalen er eit årleg arrangement med mål om å støtte barn og unge sitt klimamedvit, motstandskraft og samfunnsdeltaking.
Bli med på samlinga og høyr korleis litteratur, vitskap, handverk og kulturprogram kan kombinerast for å inspirera til handlekraft og handling. Hans Eirik Systad Tyssen (prosjekteigar) og Siri Raknes (prosjektleiar) deler erfaringar med programmering og samarbeid med eksterne partar.
Bergen Offentlige Bibliotek i veke 17
Biblioteket i Bergen har jobba med veke 17 sidan den starta opp i Noreg i 2024 – Mirjam Johanna Øien Eiksund informerer om erfaringane dei har gjort.