Søk midlar til Ukraina-prosjekt i biblioteket
Nyheter
Søk midlar til Ukraina-prosjekt i biblioteket
Vil de setje søkeljos på Ukraina i dykkar lokalsamfunn? Bibliotek kan no søke midlar til prosjekt som styrkjer kunnskapen om ukrainsk kultur, historie og samfunn – og til å skape møteplassar der publikum får lære meir.
Direktoratet for høgare utdanning og kompetanse (HK-dir) lyser ut midlar til blant anna utstillingar, arrangement, produksjon av ressursar eller formidling.
Utlysinga skal bidra til auka kunnskap om Ukraina i det norske samfunnet og gjere norske aktørar betre skikka til å inngå samarbeid med ukrainske aktørar. Bibliotek er blant dei som er oppmoda til å søke.
Midlane kan nyttast til:
- Produksjon av informasjonsmateriell, bøker, filmar, podkastar, digitale ressursar og liknande
- Arrangement – til dømes kurs, føredrag, seminar, utstillingar, debattar og andre formidlingstiltak
- Reise- og opphald
- Innkjøp for utstyr opp til 10% av søkt beløp
- Andre prosjektrelaterte kostnader som er naudsynte for å oppnå relevante resultat
Søknadsfristen er 30. oktober og søknadsbeløp mellom 30 000 opp til NOK 200 000.
Ta kontakt med ukraina@hkdir.no dersom du har spørsmål